LEDUAN11 | PHÂN CÔNG NHIỆM VỤ CỦA BAN CÁN SỰ LỚP VÀ TỔ

ລດ	ເນື້ອໃນ, ຄວາມຮັບຜິດຊອບ
I	ໜ້າທີ່ຂອງຫົວໜ້າຫ້ອງ:
1	ຊີ້ນໍາ, ຕິດຕາມ ແລະ ກໍາສະພາບລວມຂອງຫ້ອງ
2	ສັງລວມຜົນການຮຽນ, ຂໍ້ແຂ່ງຂັນ ແລະ ນໍາພາການຮ່ວມຊີວິດປະຈໍາເດືອນຂອງຫ້ອງ.
3	ລາຍງານຢ່າງເປັນປະຈໍາໃນທຸກໆວັນຕໍ່ອາຈານປະຈໍາຫ້ອງເມື່ອມີບັນຫາໃໝ່ເກີດຂຶ້ນ.
4	ສັງລວມສະພາບການເຄື່ອນໄຫວຮອບດ້ານຂອງຫ້ອງ ແລ້ວ ລາຍງານຕໍ່ອາຈານປະຈໍາຫ້ອງຊາບໃນແຕ່ລະວັນອາທິດ.
5	ປະຕິບັດໜ້າທີ່ອື່ນໆຕາມການມອບໝາຍຂອງອາຈານປະຈໍາຫ້ອງ ແລະ ຂອງໂຮງຮຽນ.
II	ໜ້າທີ່ຂອງຮອງຫົວໜ້າຫ້ອງ, ດ້ານການຮຽນ:
1	ຕິດຕາມທຸກສະພາບການທີ່ກ່ຽວຂ້ອງເຖິງບັນຫາດ້ານການຮຽນ ເຊັ່ນ:
-	ບັນທຶກໃສ່ປຶ້ມຕິດຕາມການຮຽນໃຫ້ຄົບຖ້ວນ, ປະສານສົມທົບກັບຫົວໜ້າຫ້ອງໃນການຄຸ້ມຄອງຫ້ອງຮຽນ.
-	ຕິດຕາມກໍລະນີຂຶ້ນຫ້ອງຮຽນຊ້າ, ເພື່ອສົ່ງຂ່າວຕັກເຕືອນ.
-	ຕິດຕາມກໍລະນີຂາດຮຽນໂດຍບໍໄດ້ຮັບອະນຸຍາດ.
-	ຕິດຕາມ, ປະສານສົມທົບກັບຫົວໜ້າຈຸ ເພື່ອຊ່ວຍເຫຼືອຜູ້ທີ່ຮຽນຍັງບໍ່ທັນໄດ້ດີ.
-	ຕິດຕາມການທວນຄືນບົດຮຽນ ແລະ ຈົດກ່າຍບົດຮຽນຂອງນັກສຶກສາ.
-	ຕິດຕາມ, ບັນທຶກການຂຶ້ນຫ້ອງຂອງອາຈານສອນ.
-	ຕິດຕາມ, ສັງລວມຄະແນນແຕ່ລະວິຊາ, ຂອງແຕ່ລະນັກສຶກສາ.
2	ສັງລວມສະພາບການຮໍ່າຮຽນ ແລ້ວ ລາຍງານຕໍ່ຫົວໜ້າຫ້ອງຮັບຊາບໃນແຕ່ລະວັນອາທິດ.
3	ປະຕິບັດໜ້າທີ່ອື່ນໆຕາມການມອບໝາຍຂອງຫົວໜ້າຫ້ອງ ແລະ ອາຈານປະຈໍາຫ້ອງ.
III	ໜ້າທີ່ຂອງຮອງຫົວໜ້າຫ້ອງ, ດ້ານວຽກພາຍໃນ ແລະ ກິດຈະກໍາຕ່າງໆ:
1	ຕິດຕາມທຸກສະພາບການທີ່ກ່ຽວຂ້ອງເຖິງບັນຫາການດໍາລົງຊີວິດປະຈໍາວັນຂອງນັກສຶກສາທຸກຄົນ.
2	ຕິດຕາມ, ເກັບກໍາເອົາຄໍາສະເໜີຂອງນັກສຶກສາ ແລ້ວ ລາຍງານຕໍ່ຫົວໜ້າຫ້ອງສັງລວມ, ເພື່ອລາຍງານຕໍ່ໃຫ້ອາຈານປະຈໍາຫ້ອງ ຫຼື ພາກສ່ວນທີ່ກ່ຽວຂ້ອງແກ້ໄຂ.
3	ຕິດຕາມ​ທຸກການ​ເຄື່ອນ​ໄຫວ​ຂອງນັກສຶກສາ​ໃນ​ການ​ປະຕິບັດ​ລະບຽບ, ວິໄນ​ຂອງ​ໂຮງຮຽນ ​ແລະ ກົດໝາຍ​ຂອງ​ຫວຽດນາມ, ​ຕັກເຕືອນ​ໃນ​ກໍລະນີ​ຜິດລະບຽບ​ຄັ້ງ​ທຳ​ອິດ, ທີ່ບໍ່​ຮ້າຍ​ແຮງ ສໍາລັບ ກໍລະນີທີ່ຜິດລະບຽບຫຼາຍໆຄັ້ງ, ການກະທໍາຜິດທີ່ບໍ່ເຂັດລາບ ຫຼື ຮ້າຍແຮງ ແມ່ນໃຫ້ລາຍງານຕໍ່ຫົວໜ້າຫ້ອງໂດຍດ່ວນ ເພື່ອລາຍງານຕໍ່ອາຈານປະຈໍາຫ້ອງ ຫຼື ພາກສ່ວນທີ່ກ່ຽວຂ້ອງ ແກ້ໄຂຕາມລະບຽບການທີ່ໄດ້ກໍານົດໄວ້.
4	ຕິດຕາມ ແລະ ລາຍງານຫົວໜ້າຫ້ອງ, ອາຈານປະຈໍາຫ້ອງ ໂດຍດ່ວນໃນກໍລະນີມີນັກສຶກສາເຈັບເປັນເພື່ອຈະໄດ້ປິ່ນປົວທັນເວລາ ຫຼື ກໍລະນີນັກສຶກສາຂໍລາພັກໄປວຽກສ່ວນຕົວເພື່ອໃຫ້ຂັ້ນເທິງພິຈາລະນາອະນຸມັດ.
5	ຂຶ້ນແຜນອະນາໄມສະຖານທີ່ລວມເປັນແຕ່ລະອາທິດ ເຊັ່ນ: ຫ້ອງຄົວລວມສໍາລັບນັກສຶກສາ, ດ້ານຫຼັງຫ້ອງກິນເຂົ້າຂອງໂຮງຮຽນ ແລະ ບ່ອນອື່ນໆ.
6	ຈັດຕັ້ງທີມບານສົ່ງ, ປີກໄກ່, ບານເຕະ, ຕີບູນ ແລະ ໜ່ວຍວັນນະຄະດີ ຂອງຫ້ອງຂຶ້ນເພື່ອຝຶກຊ້ອມ, ໃຫ້ມີສຸຂະພາບແຂງແຮງ ກໍ່ຄື ການພົບປະແລກປ່ຽນກິລາ ແລະ ວັນນະຄະດີ (4 ຈຸ 4 ທີມ)
7	ສົມທົບກັບຮອງຫົວໜ້າຫ້ອງ, ດ້ານການເງິນຂຶ້ນແຜນໃຊ້ຈ່າຍເຂົ້າໃນກິດຈະກໍາເຄື່ອນໄຫວລວມຂອງຫ້ອງແຕ່ລະໄລຍະ, ແຕ່ລະກິດຈະກໍາ.
8	ສັງລວມສະພາບການເຄື່ອນໄຫວ ແລ້ວ ລາຍງານຕໍ່ຫົວໜ້າຫ້ອງໃນແຕ່ລະວັນອາທິດ.
9	ປະຕິບັດໜ້າທີ່ອື່ນໆຕາມການມອບໝາຍຂອງຫົວໜ້າຫ້ອງ ແລະ ອາຈານປະຈໍາຫ້ອງ.
IV	ໜ້າທີ່ຂອງຮອງຫົວໜ້າຫ້ອງ, ດ້ານການເງິນ:
1	ປະສານກັບຜູ້ຮັບຜິດຊອບເຮືອນຄົວ ແລະ ບັນຊີການເງິນຂອງໂຮງຮຽນ, ເພື່ອສົມທົບໄລ່ລຽງການລາຍຮັບ-ລາຍຈ່າຍ, ດຸ່ນດ່ຽງເງິນອັດຕາກິນທີ່ຍັງເຫຼືອ; ຮັບ ແລະ ຈ່າຍເງິນອູດໜູນໃຫ້ນັກສຶກສາ, ຮັບປະກັນຄວາມຈະແຈ້ງ, ໂປ່ງໃສ.
2	ຄຸ້ມຄອງ ລາຍຮັບ-ລາຍຈ່າຍ ເງິນຄັງລວມຂອງຫ້ອງຕາມແຜນການທີ່ວາງໄວ້ ກໍ່ຄື ການຕົກລົງຂອງຫົວໜ້າຫ້ອງ.
3	ສັງລວມສະພາບລາຍຮັບ-ລາຍຈ່າຍ ແລ້ວ ລາຍງານຕໍ່ຫົວໜ້າຫ້ອງຮັບຊາບໃນແຕ່ລະວັນອາທິດ.
4	ປະຕິບັດໜ້າທີ່ອື່ນໆຕາມການມອບໝາຍຂອງຫົວໜ້າຫ້ອງ ແລະ ອາຈານປະຈໍາຫ້ອງ.
V	ໜ້າທີ່ຂອງຈຸ: ຫົວໜ້າ ແລະ ຮອງຈຸ, ແບ່ງວຽກ-ນໍາພາ)
1	ແຕ່ລະຈຸຜັດປ່ຽນກັນສິດເວນ, ຈຸລະ 01 ອາທິດ (ແຕ່ວັນຈັນ - ວັນອາທິດ)
2	ເປີດ-ປິດ ປະຕູ, ອະນາໄມປັດກວາດຫ້ອງຮຽນ ແລະ ເຊັດກະດານທຸກວັນທີ່ມີຕະຕາລາງຮຽນ.
3	ເປີດ-ປິດ ປະຕູເຮືອນຄົວສໍາລັບນັກສຶກສາ: ຕອນເຊົ້້າເວລາ: 5:30, ຕອນຄໍ່າເວລາ: 22:00.
4	ອອກອະນາໄມລວມຕາມແຜນຂອງຫ້ອງ ແລະ ຂອງໂຮງຮຽນ.
5	ຊ່ວຍຮອງຫົວໜ້າຫ້ອງ, ໃນການຄຸ້ມຄອງເວລາຮຽນ.
6	ບັັນທຶກເຂົ້າປຶ້ມຕິດຕາມປະຈໍາວັນໃຫ້ຄົບຖ້ວນ.
7	ສົມທົົບກັບຄະນະຫ້ອງໃນການຄຸ້ມຄອງນັກສຶກສາທັງໃນ ແລະ ນອກເວລາຮຽນ (24/7)
8	ຈັັດກອງປະຊຸມຂອງຈຸໃນທຸກໆວັນອາທິດເພື່ອເກັບກໍາຂໍ້ມູນ, ຄໍາສະເໜີ, ການສົ່ງຂ່າວ (ປະຕິບັດທັງ 4 ຈຸ)
9	ສັງລວມສະພາບການຮໍ່ໍ່າຮຽນ, ການດໍາລົງຊີວິດໃນ 1 ອາທິດ ແລ້ວ ລາຍງານຕໍ່ຫົວໜ້າຫ້ອງຮັບຊາບ ກໍ່ຄື ມອບໝາຍໜ້າທີ່ໃຫ້ສິດເວນຈຸຕໍ່ໄປຮັບຜິດຊອບ.
10	ປະຕິບັດໜ້າທີ່ອື່ນໆຕາມການມອບໝາຍຂອງຫົວໜ້າຫ້ອງ.

ເລີ້ມຈັດຕັ້ງປະຕິບັດ, ນັບແຕ່ວັນທີ: 21/03/2022 ເປັນຕົ້ນໄປ.