ຄໍາຖາມ - ຄໍາຕອບຄົ້ນຄວ້າ

1, ໂລກະທັດແມ່ນຫຍັງ? ຈົ່ງໄຈ້ແຍກພາລະບົດບາດຂອງໂລກະທັດຂອງປັດຊະຍາມາກ-ເລນິນ?

+ ໂລກະທັດແມ່ນລະບົບບັນດາທັດສະນະຂອງມະນຸດກ່ຽວກັບໂລກ, ກ່ຽວກັບທີ່ຕັ້ງຂອງມະນຸດໃນໂລກນັ້ນ, ກ່ຽວກັບຊີວິດຂອງມະນຸດໃນແຕ່ລະໄລຍະປະຫວັດສາດໃດໜຶ່ງ.
+ ໃນປັດຊະຍາມີ 2 ໂລກະທັດອັນພື້ນຖານທີ່ກົງກັນຂ້າມກັນຄື:

- ໂລກະທັດວັດຖຸນິຍົມ.

- ໂລກະທັດຈິດຕະນິຍົມ.
+ ໂລກະທັດຂອງປັດຊະຍາມາກ-ເລນິນ, ມີລັກສະນະວັດຖຸນິຍົມສັດຈະວິພາກແບບວິທະຍາສາດກ່ຽວກັບໂລກ, ກ່ຽວກັບປະຫວັດສາດ, ສັງຄົມ ແລະ ແນວຄິດຂອງມະນຸດ, ສະນັ້ນ ມີບົດບາດກຳນົດທິດທາງຢ່າງຖືກຕ້ອງໃຫ້ແກ່ການເຄື່ອນໄຫວ, ການຮັບຮູ້ ແລະ ການເຄື່ອນໄຫວພຶດຕິກຳຂອງມະນຸດ.
+ ວິທີການວິພາກແມ່ນທິດສະດີກ່ຽວກັບວິທີການລະບົບລັກສະນະກຳນົດວິທີການ, ເລືອກເຟັ້ນວິທີການໃຫ້ແກ່ການເຄື່ອນໄຫວ, ຄວາມຮັບຮູ້ ແລະ ການເຄື່ອນໄຫວພຶດຕິກຳຂອງມະນຸດຢ່າງດີທີ່ສຸດ.

2, ບັນຫາພື້ນຖານຂອງປັດຊະຍາແມ່ນຫຍັງ?

ບັນຫາພື້ນຖານຂອງປັດຊະຍາ ແມ່ນບັນຫາພື້ນຖານອັນຍິ່ງໃຫຍ່ຂອງທຸກໆປັດຊະຍາ, ພິເສດແມ່ນປັດຊະຍາທັນສະໄໝ, ບັນຫາກ່ຽວກັບການພົວພັນລະຫວ່າງແນວຄິດກັບການຄົງຕົວ ມັນເກີດຂຶ້ນພ້ອມກັບການດຳລົງຄົງຕົວຂອງປັດຊະຍາ, ລະບົບທິດສະດີ, ບັນດາທັດສະນະລວມທີ່ສຸດຂອງຄົນເຮົາກ່ຽວກັບໂລກທໍາມະຊາດ - ສັງຄົມ, ຈິນຕະນາການ ໃນການເບິ່ງໂລກວັດຖຸ ແລະ ປະກົດການ ໃດໜຶ່ງທີ່ແນ່ນອນ.
+ ບັນຫາພື້ນຖານຂອງປັດຊະຍາ ມີ 2 ບັນຫາຄື:
- ລະຫວ່າງວັດຖຸ ແລະ ສະຕິອັນໃດມີກ່ອນ ອັນໃດມີຕາມຫຼັງ, ອັນໃດຕັດສິນອັນໃດ.
- ສະຕິຂອງຄົນເຮົາສາມາດສ່ອງແສງຕໍ່ການຄົງຕົວຂອງໂລກພາວະວິໄສໄດ້ ຫຼື ບໍ່.

3, ຈົ່ງອະທິບາຍສາຍພົວພັນສັດຈະວິພາກລະຫວ່າງວັດຖຸ ແລະ ສະຕິ?

3,1, ຄວາມສໍານຶກ:

- ວັດຖຸແມ່ນມາດຕະເກນໜຶ່ງຂອງປັດຊະຍາ ທີ່ໃຊ້ເພື່ອຊີ້ບອກສິ່ງດໍາລົງຄົງຕົວຢ່າງພາວະວິໄສ ເຊິ່ງຄົນເຮົາສາມາດຮັບຮູ້ໄດ້ໂດຍຜ່ານການສໍາພັດທາງອິນຊີຂອງຄົນເຮົາ, ພາຍໃນຄວາມຮູ້ສຶກ, ບັນທຶກເກັບໄວ້, ສ່ອງແສງ ແລະ ຄົງຕົວທີ່ບໍ່ຂຶ້ນກັບຄວາມຮູ້ສຶກ.
- ສະຕິແມ່ນຜະລິດຕະພັນຂອງສິ່ງວັດຖຸໜຶ່ງທີ່ມີການຈັດຕັ້ງສູງ, ນັ້ນຄື ມັນສະໝອງຂອງຄົນເຮົາ.
3,2, ສາຍພົວພັນສັດຈະວິພາກລະຫວ່າງວັດຖຸ ແລະ ສະຕິ:

- ວັດຖຸເກີດກ່ອນ ແລະ ຕັດສິນສະຕິ, ແຕ່ສະຕິຈະເປັນຕົວກະທົບຄືນໃສ່ວັດຖຸ, ໃນສອງດ້ານຄື: ດ້ານຕັ້ງໜ້າ ແລະ ດ້ານຫຍໍ້ທໍ້.
ຕົວຢ່າງ: ເມື່ອເຮົາເຫັນວັດຖຸໃດໜຶ່ງທີ່ງາມ, ເຮົາຈະຢາກໄດ້ ແລະ ສະຕິຂອງຄົນເຮົາຈະຊອກຫາວິທີຊອກເງິນມາຊື້.

4, ຈົ່ງອະທິບາຍເນື້ອໃນຫຼັກມູນກ່ຽວກັບສາຍພົວພັນທົ່ວໄປ?

4,1, ຄວາມສໍານຶກ:

+ ສາຍພົວພັນທົ່ວໄປແມ່ນການສະທ້ອນ, ການກະທົບ ແລະ ການຫັນປ່ຽນ ເຊິ່ງກັນ ແລະ ກັນ, ລະຫວ່າງບັນດາວັດຖຸ ແລະ ປະກົດການໃນໂລກ ຫຼື ລະຫວ່າງບັນດາດ້ານຕ່າງກັນ, ບັນດາປັດໄຈ, ບັນດາລັກສະນະປະຈໍາຕົວຂອງສິ່ງວັດຖຸ ແລະ ປະກົດການໜຶ່ງຂອງຂະບວນວິວັດໜຶ່ງ.
+ ທຸກສິ່ງຢູ່ໃນໂລກ ລ້ວນແລ້ວແຕ່ມີການກະທົບໃສ່ກັນ ແລະ ມັນຈະເຜີຍອອກມາໃຫ້ເຫັນ.
ຕົວຢ່າງ: ເສດຖະກິດຫວຽດນາມຖ້າທຽບໃສ່ເສດຖະກິດຂອງລາວ ແມ່ນເສດຖະກິດຂອງຫວຽດນາມມີການກ້າວໜ້າກວ່າລາວຫຼາຍ, ແຕ່ວ່າຖ້າທຽບໃສ່ເສດຖະກິດຂອງໂລກແມ່ນ ເສດຖະກິດຂອງລາວ ແລະ ຫວຽດນາມພວມຢູ່ໃນໄລຍະກຳລັງພັດທະນາ.
+ ທຸກສິ່ງວັດຖຸໃນໂລກພະວະວິໃສ ລ້ວນແຕ່ມີສາຍພົວພັນ ກະທົບໄປມາເຊິ່ງກັນ ແລະ ກັນ ບໍ່ມີສິ່ງວັດຖຸໃດສາມາດແຍກຕົວອອກຈາກສິ່ງວັດຖຸອື່ນ.
+ ບັນຫາທີ່ພົ້ນເດັ່ນໃນໂລກມີ 4 ບັນຫາໃຫຍ່ຄື:
- ບັນຫາມົນລະພິດກັບສະພາບແວວລ້ອມ.
- ບັນຫາສົງຄາມ.
- ບັນຫາພະຍາດລະບາດ.
- ບັນຫາໄພອຶດຫີວ.
+ ແຕ່ລະສິ່ງວັດຖຸກໍ່ແມ່ນລະບົບເອກະພາບຂອງບັນດາປັດໄຈ, ບັນດາພາກສ່ວນປະກອບສ້າງເປັນມັນ ແລະ ກໍ່ມີສາຍພົວພັນກັນຢ່າງສະໜິດແໜ້ນນໍາກັນ.
ຕົວຢ່າງ: ນັັກວິທະຍາສາດວ່າ ຮ່າງກາຍຂອງຄົນເຮົາ ແມ່ນໂຮງງານທີ່ສົມບູນ ແລະ ມັນກໍ່ມີສາຍພົົວພັນເຊິ່ງກັນ ແລະ ກັນເຊັ່ນວ່າ ຕາເຫຼືອງແມ່ນມີບັນຫາກ່ຽວກັບຕັບ...
+ ສາຍພົວພັນມີລັກສະນະພາວະວິໃສ ແລະ ແຜ່ຫຼາຍທົ່ວໄປ ປະກອບມີ 3 ລັກສະນະຄື:
- ສາຍພົວພັນແຜ່ຫຼາຍທົ່ວໄປ.
- ສາຍພົວພັນພາວະວິໃສ.
- ສາຍພົວພັນອຸດົມສົມບູນຫຼາຍຮູບຫຼາຍແບບໃນໂລກພາວະວິໃສ.
* ລັດທິຈິດຕະນິຍົມໃຫ້ທັດສະນະວ່າ: ພື້ນຖານຂອງສາຍພົວພັນລະຫວ່າງບັນດາສິ່ງວັດຖຸ ແລະ ປະກົດການແມ່ນຄວາມຮູ້ສຶກດ້ວຍການສຳພັດກາຍອິນຊີ.
* ລັດທິວັດຖຸນິຍົມພື້ນຖານສາຍພົວພັນໄປມາລະຫວ່າງບັນດາສິ່ງວັດຖຸ ແລະ ປະກົດການແມ່ນມີຄວາມເປັນເອກະພາບທາງດ້ານວັດຖຸ.
+ ມີຫຼາຍສາຍພົວພັນທີ່ແຕກຕ່າງກັນຄື: ສາຍພົວພັນພາຍໃນ, ສາຍພົວພັນພາຍນອກ ແລະ ສາຍພົວພັນຕົ້ນຕໍ....
4,2, ຄວາມໝາຍວິທີວິພາກ:

ໃນຄວາມຮັບຮູ້ໃນການເຄື່ອນໄຫວຕົວຈິງຄົນເຮົາຕ້ອງມີທັດສະນະຮອບດ້ານ ໃນການສັງເກດເບິ່ງສິ່ງວັດຖຸ ແລະ ປະກົດການຕ້ອງເບິ່ງຮອບດ້ານໃນບັນດາທັງໝົດຂອງສາຍພົວພັນ.
ຕົວຢ່າງ: ຖ້າເຮົາຢາກເບິ່ງເສດຖະກິດຂອງປະເທດຫວຽດນາມວ່າມີການພັດທະນາເຮົາຕ້ອງເບິ່ງຢ່າງຮອບດ້ານຄື: ດ້ານເສດຖະກິດ, ດ້ານການເມືອງ, ດ້ານວັດທະນະທໍາ-ສັງຄົມ, ທໍາມະຊາດ ແລະ ສະພາບແວດລ້ອມ ໝາຍຄວາມວ່າຈະຂາດສິ່ງໃດສິ່ງໜຶ່ງບໍ່ໄດ້ ເພາະວ່າທຸກໆດ້ານແມ່ນມີການພົວພັນເຊິ່ງກັນ ແລະ ກັນ, ບໍ່ສາມາດຕັດແຍກອອກຈາກກັນໄດ້.

5, ຈົ່ງອະທິບາຍເນື້ອໃນຫຼັກມູນກ່ຽວກັບການຂະຫຍາຍຕົວ?

5,1, ຄວາມສໍານຶກ:

+ ການຂະຫຍາຍແມ່ນຂະບວນການວິວັດເຄື່ອນເໜັງແຕ່ຕໍ່າ ຫາ ສູງ, ແຕ່ບໍ່ທັນສົມບູນ ເຖິງ ບ່ອນສົມບູນ.
+ ການເຄື່ອນເໜັງຂອງສິ່ງວັດຖຸມີ 3 ທ່າອ່ຽງຄື:

- ການເຄື່ອນເໜັງກ້າວຂຶ້ນ (ການຂະຫຍາຍຕົວ).

- ໄປຕາມທາງຊື່ ແລະ ດັບສູນ, ໃນການຂະຫຍາຍຕົວມີທ່າອ່ຽງທີ່ຈໍາເປັນໃນໂລກພະວາວິໃສ.

- ການຂະຫຍາຍຕົວເກີດຂຶ້ນຕາມເສັ້ນທາງກ້ຽວກົ້ນຫອຍ, ໝາຍຄວາມວ່າ: ໃນຂະບວນການວິວັດ ແຫ່ງການຂະຫຍາຍຕົວຄ້າຍຄືວ່າກັບຄືນຈຸດເລີ່ມຕົ້ນ ແຕ່ບົນພື້ນຖານສູງກວ່າເກົ່າ.
ຕົວຢ່າງ: ຄົນເຮົາເກີດຂຶ້ນມາແມ່ນມີການຂະຫຍາຍຕົວຂຶ້ນໄປຕາມຂະບວນການວິວັດເຊັ່ນວ່າ: ມີເກີດແກ່ເຈັບຕາຍຕາມຂະບວນການວິວັດ.
5,2, ການຂະຫຍາຍຕົວ:
+ ຕາມທັດສະນະຈິດຕະນິຍົມ ຕົ້ນກຳເນີດຂອງການຂະຫຍາຍຕົວແມ່ນ ເທວະດາ, ຟ້າແຖນ.
+ ຕາມທັດສະນະວັດຖຸນິຍົມສັດຈະວິພາກ ການຂະຫຍາຍຕົວມີຕົ້ນກຳເນີດພາຍໃນສິ່ງວັດຖຸແມ່ນມີຄວາມເປັນເອກະພາບ ແລະ ຕໍ່ສູ້ກັບບັນດາດ້ານກົງກັນຂ້າມຢູ່ພາຍໃນສິ່ງວັດຖຸຂອງມັນເອງ.
5,3, ວິທີວິພາກ:
ໃນການຮັບຮູ້ ແລະ ການເຄື່ອນໄຫວຕົວຈິງ, ຄົນເຮົາ ຕ້ອງມີທັດສະນະຂະຫຍາຍຕົວ (ກົງກັນຂ້າມກັບແນວຄິດຕາຍຕົວ). ຕ້ອງພົບເຫັນສິ່ງໃໝ່, ສິ່ງທີ່ກ້າວໜ້າ ເພື່ອສ້າງເງື່ອນໄຂໃຫ້ມັນຂະຫຍາຍຕົວ.
ຕົວຢ່າງ: ໃນການຈັດຕັ້ງໜຶ່ງຫາກຍັງມີຫົວໜ້າທີ່ມີແນວຄິດຕາຍຕົວ ເຖິງວ່າຕົນເອງຜິດແຕ່ກໍ່ຍັງຮັກສາຄອງເດີມ ໂດຍບໍ່ມີການປ່ຽນແປງ, ເອີ້ນວ່າແນວຄິດຕາຍຕົວ.

6, ກົດເກນແມ່ນຫຍັງ? ຈົ່ງຍົກວິທີແບ່ງປະເພດກົດເກນ?

+ ກົດເກນແມ່ນສາຍພົວພັນທາງດ້ານທາດແທ້, ແນ່ນອນ, ມີແຜ່ຫຼາຍທົ່ວໄປ ແລະ ຊໍ້າໄປຊໍ້າມາ. ລະຫວ່າງບັນດາດ້ານ ແລະ ບັນດາປັດໄຈ, ບັນດາລັກສະນະປະຈໍາຕົວຢູ່ພາຍໃນແຕ່ລະສິ່ງວັດຖຸ ຫຼື ລະຫວ່າງບັນດາສິ່ງວັດຖຸດ້ວຍກັນ.
ຕົວຢ່າງ: ຄົນເຮົາເກີດຂຶ້ນມາລ້ວນແລ້ວແຕ່ຜ່ານຂະບວນການວິວັດທາງດ້ານທາດແທ້, ແນ່ນອນ ແລະ ຊໍ້າໄປຊໍ້າມາ ມີລັກສະນະປະຈໍາຕົວຄື: ຄົນເຮົາຕ້ອງມີ ເກີດ, ແກ່, ເຈັບ, ຕາຍ...
+ ການແບ່ງປະເພດກົດເກນມີ 2 ປະເພດຄື:
- ກົດເກນສະເພາະ: ມີລັກສະນະຈໍາເພາະພາຍໃນຕົວຂອງມັນເອງ.
ຕົວຢ່າງ: ນັກວິທະຍາສາດຄົ້ນຄວ້າວິຊາການຂະແໜງການໃດໜຶ່ງ.
- ກົດເກນລວມ: ແມ່ນການກະທົບໄປມາໃສ່ກັັນ.
ຕົວຢ່າງ: ໜ່ວຍໂລກປິ່ນອ້ອມດວງຈັນ ນັ້ນແມ່ນກົດເກນອັນໜຶ່ງ.

7, ຈົ່ງອະທິບາຍກົດເກນ ຄວາມເປັນເອກະພາບ ແລະ ການຕໍ່ສູ້ຂອງບັນດາດ້ານກົງກັນຂ້າມ?

ກ, ບັນດາດ້ານກົງກັນຂ້າມແມ່ນບັນດາດ້ານທີ່ມີຈຸດພິເສດ, ບັນດາລັກສະນະຈໍາເພາະ, ບັນດາລັກສະນະກຳນົດ ທີ່ມີທ່າອ່ຽງເຄື່ອນເໜັງກົງກັນຂ້າມກັນ.
ຂ, ຄວາມເປັນເອກະພາບຂອງບັນດາດ້ານກົງກັນຂ້າມ ແມ່ນຕາມຄວາມໝາຍກວ້າງ ການອີງໃສ່ເຊິ່ງກັນ ແລະ ກັນ ເປັນເງື່ອນໄຂປະຖົມປັດໄຈໃຫ້ແກ່ການຄົງຕົວໃຫ້ແກ່ກັນ ແລະ ກັນ ບໍ່ມີດ້ານກົງກັນຂ້າມນີ້ ຈະບໍ່ມີດ້ານກົງກັນຂ້າມອື່ນ.
ຄ, ການຕໍ່ສູ້ຂອງບັນດາດ້ານກົງກັນຂ້າມແມ່ນການກະທົບເຊິ່ງກັນ ແລະ ກັນ, ການຈໍາກັດ, ປັດເປົ່າປະຕິເສດເຊິ່ງກັນແລະ ກັນ ການຊຶມເຂົ້າ, ການພົວພັນຂະຫຍາຍຂອງບັນດາກົງກັນຂ້າມ.
ງ, ເນື້ອໃນຂອງກົດເກນຄວາມເປັນເອກະພາບຂອງບັນດາດ້ານກົງກັນຂ້າມ ແມ່ນມີລັກສະນະທຽບຖານ ການຕໍ່ສູ້ຂອງບັນດາດ້ານກົງກັນຂ້າມມີລັກສະນະເດັດຖານ.
ຕົວຢ່າງ: ຊົ້ນຊັ້ນສັກດີນາແມ່ນການຕໍ່ສູ້ສະຫວ່າງຊົນຊັ້ນປົກຄອງກັບຊາວນາ.
ຈ, ການແບ່ງປະເພດຂໍ້ຂັດແຍ່ງ ມີ 4 ຂໍ້ຂັດແຍ່ງຄື:
ຈ,1, ຂໍ້ຂັດແຍ່ງພາຍໃນ ແລະ ຂໍ້ຂັດແຍ່ງພາຍນອກ:
- ຂໍ້ຂັດແຍ່ງພາຍໃນແມ່ນການກະທົບທົ່ວໄປມາບັນດາດ້ານ, ບັນດາທ່າອ່ຽງກົງກັນຂ້າມຂອງສິ່ງວັດຖຸໜຶ່ງ.
ຕົວຢ່າງ: ຄົນເຮົາກິນອາຫານເຂົ້າໄປສູ່ຮ່າງກາຍແລ້ວ ມັນຕ້ອງມີການຖ່າຍເທອອກ.
- ຂໍ້ຂັດແຍ່ງພາຍນອກ ແມ່ນຂໍ້ຂັດແຍ່ງວັດຖຸໜຶ່ງກັບສິ່ງວັດຖຸອື່ນ.
ຕົວຢ່າງ: ຂໍ້ຂັດແຍ່ງລະຫວ່າງສັດ ແລະ ສິ່ງແວດລ້ອມ ຫຼື ວ່າຂໍ້ຂັດແຍ່ງລະຫວ່າງປະເທດທຶນນິຍົມດ້ວຍກັນ.
ຈ,2, ຂໍ້ຂັດແຍ່ງພື້ນຖານ ແລະ ບໍ່ເປັນພື້ນຖານ:
- ຂໍ້ຂັດແຍ່ງພື້ນຖານ ແມ່ນຂໍ້ຂັດແຍ່ງກໍານົດທາດແທ້ຂອງສິ່ງວັດຖຸ ກໍານົດການຂະຫຍາຍຕົວ ຢູ່ໃນແຕ່ລະໄລຍະຂອງສິ່ງວັດຖຸມັນຄົງຕົວຕະຫຼອດ ໃນຂະບວນວິວັດແຫ່ງການຄົງຕົວຂອງສິ່ງວັດຖຸ.
- ຂໍ້ຂັດແຍ່ງບໍ່ເປັນພື້ນຖານ ແມ່ນຂໍ້ຂັດແຍ່ງກໍານົດການເຄື່ອນເໜັງ ແລະ ຂະຫຍາຍຕົວດ້ານໃດດ້ານໜຶ່ງຂອງສິ່ງວັດຖຸ.
ຈ,3, ຂໍ້ຂັດແຍ່ງຕົ້ນຕໍ ແລະ ບໍ່ເປັນຕົ້ນຕໍ:
- ຂໍ້ຂັດແຍ່ງຕົ້ນຕໍ ແມ່ນຂໍ້ຂັດແຍ່ງທີ່ພົ້ນເດັ່ນອັນດັບໜຶ່ງຢູ່ໃນໄລຍະໜຶ່ງຂອງການຂະຫຍາຍຕົວທີ່ແນ່ນອນຂອງສິ່ງວັດຖຸ ຫາກແກ້ໄຂໄດ້ຈະສ້າງເງື່ອນໄຂ ເພື່ອແກ້ໄຂຂໍ້ຂັດແຍ່ງອື່ນຢູ່ໃນໄລຍະດຽວກັນ.
- ຂໍ້ຂັດແຍ່ງບໍ່ເປັນຕົ້ນຕໍ.
ຈ,4, ຂໍ້ຂັດແຍ່ງປໍລະປັກ ແລະ ບໍ່ເປັນປໍລະປັກ:
- ຂໍ້ຂັດແຍ່ງປໍລະປັກແມ່ນ ຂໍ້ຂັດແຍ່ງລະຫວ່າງບັນດາຊົນຊັ້ນ, ບັນດາກຸ່ມຄົນ, ບັນດາທ່າອ່ຽງໃນສັງຄົມທີ່ມີຜົນປະໂຫຍດພື້ນຖານກົງກັນຂ້າມ.
- ຂໍ້ຂັດແຍ່ງບໍ່ເປັນປໍລະປັກ ແມ່ນຂໍ້ຂັດແຍ່ງບັນດາກໍາລັງ, ບັນດາທ່າອ່ຽງໃນສັງຄົມ ທີ່ມີຜົນປະໂຫຍດບໍ່ເປັນພື້ນຖານ ແລະ ມີລັກສະນະຊົ່ວຄາວ.
ຕົວຢ່າງ: ຂໍ້ຂັດແຍ່ງລະຫວ່າງຕົວເມືອງກັບຊົນນະບົດ ເພາະມັນເປັນພຽງບັນຫາຊົ່ວຄາວ ແລະ ກໍ່ສາມາດແກ້ໄຂໄດ້.
ສ, ວິທີວິພາກ:

ກົດເກນ ຄວາມເປັນເອກະພາບ ແລະ ການຕໍ່ສູ້ຂອງບັນດາດ້ານກົງກັນຂ້າມ ແມ່ນຂໍ້ຂັດແຍ່ງຄົງຕົວຢ່າງພາວະວິໃສ ສະນັ້ນ ໃນການຮັບຮູ້ເຄື່ອນໄຫວຕົວຈິງ ຕ້ອງເຄົາລົບຂໍ້ຂັດແຍ່ງ ພົບເຫັນຂໍ້ຂັດແຍ່ງ ແລະ ທ່າອ່ຽງຂະຫຍາຍຕົວຂອງຂໍ້ຂັດແຍ່ງ. ເມື່ອຊອກຫາໄດ້ຂໍ້ຂັດແຍ່ງ ຕ້ອງຊອກຫາໄດ້ວິທີການ ພາຫະນະ ແລະ ກຳລັງເພື່ອແກ້ໄຂຂໍ້ຂັດແຍ່ງ ຍິ່ງກວ່ານັ້ນຂໍ້ຂັດແຍ່ງຍິ່ງໄດ້ຮັບການແກ້ໄຂ ພາວະວິໃສໃນເງື່ອນໄຂສຸກງອມ. ດ້ວຍເຫດນັ້ນຈຶ່ງມີພາວະສຸກງອມ ອີດດ້ານໜຶ່ງຕໍ່ສູ້ກັບດ້ານອັດຕະວິໃສຟ້າວຟັ່ງ, ດ້ານໜຶ່ງຊຸກຍູ້ດ້ານເງື່ອນໄຂພາວະວິໃສ ເພື່ອເຮັດໃຫ້ບັນດາເງື່ອນໄຂ ແກ້ໄຂຂໍ້ຂັດແຍ່ງກ້າວໄປເຖິງບ່ອນສຸກງອມ.

8, ຈົ່ງອະທິບາຍກົດເກນການພົວພັນການຜະລິດ ສອດຄ່ອງກັບລະດັບການະຫຍາຍຕົວຂອງກໍາລັງການຜະລິດ?

8,1, ຄວາມສໍານຶກ:

+ ກ່ຽວກັບກໍາລັງການຜະລິດ ແມ່ນ ຄວາມເປັນເອກະພາບກາຍອິນຊີລະຫວ່າງຜູ້ອອກແຮງງານກັບພາຫະນະການຜະລິດ ເຊິ່ງກ່ອນອື່ນໝົດ ແມ່ນເຄື່ອງມືອອກແຮງງານ, ແນໃສ່ສ້າງກຳລັງແຮງການຜະລິດວັດຖຸສິ່ງຂອງທີ່ແນ່ນອນ.
+ ການພົວພັນການຜະລິດແມ່ນ ການພົວພັນລະຫວ່າງຄົນ ກັບ ຄົນ ໃນຂະບວນວິວັດການຜະລິດວັດຖຸສິ່ງຂອງ (ການຜະລິດ ແລະ ການຜະລິດສໍ່າສັງຄົມ) ສະແດງອອກໃນສາຍພົວພັນກໍາມະສິດ ຕໍ່ ກັບພາຫະນະການຜະລິດ; ສາຍພົວພັນໃນການຈັດຕັ້ງຄຸ້ມຄອງການຜະລິດ, ສາຍພົວພັນດ້ານການແຈກຢາຍຜະລິດຕະພັນ.
+ ກົດເກນການພົວພັນການຜະລິດ ສອດຄ່ອງກັບລະດັບການະຫຍາຍຕົວຂອງກໍາລັງການຜະລິດມີ 3 ກົດເກນຄື:
- ລະຫວ່າງກໍາລັງການຜະລິດ ແລະ ສາຍພົວພັນການຜະລິດ ແມ່ນສາຍພົວພັນພາວະວິໄສທີ່ມີມາແຕ່ເດີມຂອງທຸກຂະບວນການວິວັດແຫ່ງການຜະລິດວັດຖຸສິ່ງຂອງ.
- ກຳລັງການຜະລິດເປັນອັນຕັດສິນການພົວພັນການຜະລິດ.
- ການກະທົບກັບຄືນຂອງການພົວພັນການຜະລິດຕໍ່ກັບກຳລັງການຜະລິດ.
8,2, ຄວາມໝາຍວິທີວິພາກ:

+ ທິດສະດີວ່າກົດເກນການພົວພັນການຜະລິດສອດຄ່ອງ ກັບລະດັບການຂະຫຍາຍຕົວຂອງກໍາລັງການຜະລິດມີຄວາມໝາຍອັນຍິ່ງໃຫຍ່ຕໍ່ກັບຂະບວນວິວັດແຫ່ງການປ່ຽນແປງໃໝ່ ແລະ ພັດທະນາເສດຖະກິດ (ຄືຢູ່ລາວກັບຫວຽດນາມ).

9, ຈົ່ງອະທິບາຍທັດສະນະຂອງລັດທິວັດຖຸນິຍົມສັດຈະວິພາກກ່ຽວກັບບົດບາດພຶດຕິກຳ ຕໍ່ ກັບຄວາມຮັບຮູ້?

9,1, ຄວາມສໍານຶກຂອງຄວາມຮັບຮູ້:

+ ແມ່ນຂະບວນການວິວັດແຫ່ງການສ່ອງແສງຕັ້ງໜ້າ, ຕື່ນຕົວ ແລະ ປະດິດສ້າງໂລກໃສ່ມັນສະໝອງຂອງຄົນ ບົນພື້ນຖານພຶດຕິກໍາມີລັກສະນະປະຫວັດສາດ-ສັງຄົມ.
+ ຄວາມສໍານຶກຂອງພຶດຕິກຳແມ່ນການເຄື່ອນໄຫວທາງວັດຖຸ-ການສໍາພັດດ້ວຍກາຍອິນຊີ ທີ່ມີຈຸດປະສົງ, ເພື່ອແນ່ໃສ່ສ້າງທໍາມະຊາດ ແລະ ສັງຄົມ.
+ ທັດສະນະຂອງລັດທິວັດຖຸນິຍົມສັດຈະວິພາກກ່ຽວກັບບົດບາດພຶດຕິກຳຕໍ່ກັບຄວາມຮັບຮູ້ມີ 3 ເນື້ອໃນຄື:
- ພຶດຕິກຳແມ່ນພື້ນຖານກຳລັງໜູນຂອງຄວາມຮັບຮູ້.
- ພຶດຕກຳແມ່ນຈຸດປະສົງຂອງຄວາມຮັບຮູ້.
- ພຶດຕິກຳແມ່ນມາດຕະຖານເພື່ອກວດກາສັດຈະທໍາ.

10, ຈົ່ງອະທິບາຍທາດແທ້ ໂຄງປະກອບຂອງສະຕິສັງຄົມ?

10,1, ຄວາມສໍານຶກ:

+ ທາດແທ້ສະຕິສັງຄົມແມ່ນການສ່ອງແສງການຄົງຕົວສັງຄົມ, ຖືກກຳນົດ ແລະ ຂຶ້ນກັບການຄົງຕົວສັງຄົມ ບໍ່ແມ່ນວ່າສະຕິຂອງຄົນຕັດສິນການຄົງຕົວຂອງເຂົາເຈົ້າ, ກົງກັນຂ້າມການຄົງຕົວສັງຄົມຂອງເຂົາເປັນອັັນຕັດສິນສະຕິເຂົາເອງ.
+ ທາດແທ້ໂຄງປະກອບຂອງສະຕິສັງຄົມ ມີ 5 ຮູບການຄື:
10,2, ສະຕິການເມືອງ:

+ ແມ່ນຮູບຖານສະຕິສັງຄົມ ສອດຄ່ອງສ່ອງແສງບັນດາສາຍພົວພັນເສດຖະກິດການເມືອງສັງຄົມ, ຜົນປະໂຫຍດຂອງຊົນຊັ້ນ, ຖານະລະຫວ່າງຊົນຊັ້ນບັນດາຊາດ ຫຼື ລະຫວ່າງບັນດາປະເທດ ກໍ່ຄື ທ່າທີ່ຂອງບັນດາຊົນຊັ້ນຕໍ່ກັບອໍານາດແຫ່ງລັດຂອງສັງຄົມ, ສາມາດແຍກອອກໄດ້ 2 ສະຕິການເມືອງຄື:

- ສະຕິການເມືອງທໍາມະດາ ແລະ ລະບົບແນວຄິດການເມືອງ.
- ສະຕິອໍານາດກົດໝາຍ: ແມ່ນລະບົບບັນດາທັດສະນະຂອງຊົນຊັ້ນໜຶ່ງ ກ່ຽວກັບທາດແທ້ບົດບາດຂອງກົດໝາຍ, ກ່ຽວກັບຂອບເຂດສິດອໍານາດພັນທະຂອງບັນດາສະມາຊິກໃນສັງຄົມຂອງລັດ ບັນດາອົງການຈັດຕັ້ງສັງຄົມບົນພື້ນຖານບັນດາຫຼັກການທີ່ໄດ້ຮັບຮອງດ້ວຍກົດໝາຍ ແລະ ສັງຄົມ.
+ ສະຕິອໍານາດກົດໝາຍສະແດງອອກມີ 3 ເນື້ອໃນຄື:

- ທາດແທ້ບົດບາດກົດໝາຍ, ຂອບເຂດສິດອໍານາດ ແລະ ພັນທະຂອງສະມາຊິກໃນສັງຄົມ ແລະ ລັກສະນະຖືກຕ້ອງກົດໝາຍ ແລະ ບໍ່ຖືກຕ້ອງກົດໝາຍຫຼືການກະທໍາຂອງສັງຄົມ.
ຕົວຢ່າງ: ກົດໝາຍວ່າດ້ວຍທະບຽນຄອບຄົວຢູ່ຫວຽດນາມແມ່ນຜູ້ຊາຍຕ້ອງມີອາຍຸ 20 ປີ, ສໍາລັບ ເພດຍິງ ອາຍຸ 18 ປີຂຶ້ນໄປຈຶ່ງສາມາດອອກທະບຽນ.
- ສະຕິຄຸນສົມບັດ: ແມ່ນທັງໝົດຂອງບັນດາທັດສະນະພູມປັນຍາ ແລະ ພາວະອາລົມຈິດ, ມີລັກສະນະລວມຂອງບັນດາຊຸມຊົນກ່ຽວກັບບຸນ-ບາບ, ມະໂນທໍາ, ຄວາມຮັບຜິດຊອບ, ຄວາມຜາສຸກ, ຄວາມຍຸຕິທໍາ ແລະ ອື່ນໆ.
- ສະຕິສາສະໜາ: ແມ່ນ ບັນດາຈິດໃຈອາລົມຈິດ, ທັດສະນະແນວຄິດ, ຫຼັກການສາສະໜາ ສ່ອງແສງແບບເຫຼືອເຊື່ອ ເກີນຄວາມຈິງຂອງຊີວິດຄວາມເປັນພາວະວິໄສ, ການຄົງຕົວສັງຄົມສອດຄ່ອງກັບບັນດາຄວາມຕ້ອງການຈິດໃຈຂອງຄົນໃນເງື່ອນໄຂປະຫວັດສາດໃດໜຶ່ງທີ່ແນ່ນອນ.
+ ສະຕິສາສະໜາ ມີ 2 ດ້ານຄື:

- ດ້ານເສດຖະກິດແມ່ນເລີ່ມແຕ່ສະໄໝສະຫະຊີບບູຮານຈຶ່ງມີສາສະໜາ ແລະ ດ້ານຈິດຈະສາດ.
- ສະຕິຄວາມງາມ: ແມ່ນທັງໝົດຂອງຄວາມຮູ້ສຶກສະເທືອນໃຈ, ຄວາມນິຍົມ, ທັດສະນະອຸດົມຄະຕິ, ສ່ອງແສງສາຍພົວພັນຂອງຄົນຕໍ່ກັບຄວາມເປັນຈິງພາວະວິໄສ.
ຕົວຢ່າງ: ຜູ້ຊາຍເຮົາເຫັນຜູ້ຍິງງາມແລ້ວເຮັດໃຫ້ມີຄວາມຮູ້ສຶກຕື່ນເຕັ້ນ.