ບົດປະກອບຄໍາເຫັນຂອງຫ້ອງ ລາວ, ລຸ້ນ 11, ຄັ້ງວັນທີ 29/10/2022
ໃນງານພົບປະ, ສ້າງສັນ, ເນື່ອງໃນໂອກາດ ສະເຫຼີມສະຫຼອງ 60 ປີ ແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ລາວ
(5/9/1962 - 5/9/2022)
ແລະ 45 ປີ ແຫ່ງວັນເຊັນສົນທິສັນຍາ ມິດຕະພາບ ແລະ ການຮ່ວມມື ຫວຽດນາມ - ລາວ
(18/7/1977 - 18/7/2022).
( Khamtoun OUNLIENVONGSACK, Lớp phó, Chủ tịch nhóm học viên Tỉnh Sạ Vắn Nạ Khệt )
- ຮຽນ: ບັນດາທ່ານການນຳ ຄະນະໂຄສະນາພັກແຂວງ; ຄະນະຈັດຕັ້ງພັກແຂວງ; ພະແນກພົວພັນຕ່າງປະເທດແຂວງ ແລະ ວິທະຍາໄລຄູແຂວງ ທີ່ນັບຖື.
- ຮຽນ: ທ່ານ ເຢືອງ-ເຮືອງ-ເຊີນ, ຜູ່ອໍານວຍການໂຮງຮຽນ ທີ່ນັບຖື.
- ຮຽນ: ບັນດາສະຫາຍພະນັກງານ, ຄູອາຈານ ທີ່ນັບຖື.
------------
ມື້ນີ້, ຂ້າພະເຈົ້າໃນນາມຕາງໜ້າໃຫ້ນັກສຶກສາລາວ 50ສ/ຫ, ມີຄວາມຮູ້ສຶກເປັນກຽດຢ່າງຍິ່ງທີ່ໄດ້ເຂົ້າຮ່ວມງານ ພົບປະ, ສ້າງສັນ, ເນື່ອງໃນໂອກາດສະເຫຼີມສະຫຼອງ 60 ປີ ແຫ່ງວັນສ້າງຕັ້ງສາຍພົວພັນທາງການທູດ ແລະ 45ປີ ແຫ່ງວັນເຊັນສົນທິສັນຍາ ມິດຕະພາບ ແລະ ການຮ່ວມມື ຫວຽດນາມ - ລາວ, ທີ່ຈັດຂຶ້ນໂດຍໂຮງຮຽນການເມືອງ ເລຢັວນ, ຄັ້ງວັນທີ 29/10/2022.ນີ້ແມ່ນເຫດການທີ່ມີຄວາມຫມາຍສໍາຄັນແນໃສ່ການທວນຄືນມູນເຊື້ອ ສາຍພົວພັນຄວາມສາມັກຄີທີ່ມີມາແຕ່ດົນນານ ຂອງສອງຊາດ, ຊ່ວຍຊຸກຍູ້ການຮ່ວມມືຮອບດ້ານ, ການເຂົ້າໃຈເຊິ່ງກັນ ແລະ ກັນຢ່າງເລິກເຊິ່ງ, ຊ່ວຍໃຫ້ປະຊາຊົນສອງຊາດເວົ້າລວມ, ເວົ້າສະເພາະ ແມ່ນນັກສຶກສາລາວ ລຸ້ນ 11 ເຂົ້າໃຈຕໍ່ປະຫວັດສາດການປະຕິວັດ, ພັນທະມິດໃນການ ຕໍ່ສູ້ ຫວຽດ-ລາວ, ສາຍພົວພັນມິດຕະພາບອັນຫຍິ່ງໃຫຍ່ ໜຶ່ງບໍ່ມີສອງ ທີ່ຫາຍາກໃນໂລກ, ບໍ່ວ່າໃນສະໄໝສົງຄາມ ກໍ່ຄື ໃນປະຈຸບັນ.
ນະໂອກາດນີ້, ຂ້າພະເຈົ້າ ຂໍສະແດງຄວາມຂອບໃຈອັນລົ້ນເຫຼືອ ມາຍັງບັນດາທ່ານການນໍາຂອງແຂວງ, ການນໍາຂອງໂຮງຮຽນ, ບັນດາຄູອາຈານ ທີ່ໄດ້ສ້າງໂອກາດ, ອໍານວຍຄວາມສະດວກໃຫ້ແກ່ພວກຂ້າພະເຈົ້າ, ໄດ້ມາສຶກສາຮໍ່າຮຽນເອົາຄວາມຮູ້ຢູ່ໃນໂຮງຮຽນແຫ່ງນີ້ ກໍ່ຄື ການໄປທັດສະນະບັນດາຈຸດສໍາຄັນຕ່າງໆເພື່ອທອດຖອນເອົາບົດຮຽນ, ປະສົບການເມືອໝູນໃຊ້ຢູ່ກົມກອງທ້ອງຖິ່ນຂອງຕົນ.
ທ້າຍສຸດນີ້, ຂໍອ່ວຍພອນໃຊໃຫ້ບັນດາທ່ານຜູ່ແທນ, ບັນດາຄູອາຈານ, ແຂກມີກຽດເຂົ້າຮ່ວມໃນງານຄັ້ງນີ້, ຈົ່ງມີສຸຂະພາບເຂັ້ມແຂງ, ມີຄວາມສຸກ ແລະ ປະສົບຜົນສໍາເລັດ...ຂໍອ່ວຍພອນໃຫ້ງານພົບປະ, ສ້າງສັນໃນມື້ນີ້ ຈົ່ງປະສົບຜົນສໍາເລັດ ເກີນຄາດໝາຍ, ຂໍອ່ວຍພອນ ໃຫ້ຄວາມສາມັກຄີ ພິເສດ ລາວ-ຫວຽດນາມ, ນັບມື້ນັບງອກງາມຕະຫຼອດກະລະນານ.
ຂໍຂອບໃຈ!